बार्यननसँग बार्सीलोनाको लज्जास्पद हार, आठ-दुईको गाेल अन्तरले पराजित

काठमाडौं । शुक्रबार राति सम्पन्न खेलमा जर्मन क्लब म्युनिखसँग बार्सीलोना पराजित भएको छ । रोपियन च्याम्पियन्स लिग अन्तर्गत भएको खेलमा बार्सीलोनाले नमिठो हार व्यहोर्नुपरेको हो ।

पोर्चुगलको राजधानी लिस्बनमा भएको खेलमा जितका लागि म्युनिखले बार्सीलोनालाई आठ गोल खुवाएको थियो । जवाफि हमलामा र्बासीलोनाको तर्फबाट दुई गोल मात्र फिर्ता भएपछि खेल बार्यनको नाम भएको थियो । बायर्नले बार्सिलोनाविरुद्ध ८–२ गोल अन्तरको फराकिलो जित हात पारेर ऐतिहासिँक विजय हाँसिल गरेको छ ।

थोमस मुलर र फिलिप काउटिन्होले समान २–२ गोलले बायर्नको धुवादार जितका लागि मेरुदण्ड सावित हुनपुग्यो भने इवान पेरिसिच, सर्ज ग्नाब्री, जोसुवा किमिच र रोवर्ट लेवान्डोस्कीले १–१ गोलले टिमलाई मजबुदिको दिशातर्फ धकेल्यो ।

लेवान्डोस्किको पासलाई सदुपयोग गर्दै चौथो मिनेटमै मुलरले सुरुवाती गोल गरे । तर सातौँ मिनेटमा बायर्नकै डेबिड अल्बाले आफ्नै पोस्टमा गोल गरेर खेललाई बराबरीमा ल्याए ।

खेलमा सुरुवातबाटै दबाब बनाएको बायर्नले २१ औं मिनेटमा दोस्रो गोल गर्दै पुनः अग्रता कायम गर्यो । ग्नाब्रीको पासमा पेरिसिचले गोल गरेपछि भने बायर्नले अग्रता गुमाउनु परेन । बरु २७ औं मिनेटमा ग्नाब्रीले गोल गर्दै दुई गोलको अग्रता बनाए ।

बार्यन यतिमा रोकिएन, किमिचको पासमा मुलरले व्यक्तिगत दोस्रो गोल थपे । उनले ३१ औं मिनेटमा गरेको गोलसँगै बार्यन पहिलो हाफमा ४–१ गोलले अघि रह्यो ।

दोस्रो हाफमा पनि बायर्नले ४ गोल थप्यो । ६३ औं मिनेटमा किमिचले गोल गरे भने ७५ औं मिनेटमा मैदान छिरेका काउटिन्होले ८२ औं मिनेटमा लेवान्डोस्कीलाई एसिस्ट गरे ।

लेवान्डोस्किको गोलसँगै ६ गोल स्कोर गरेको बार्यनका बाँकी दुवै गोल काउटिन्होले नै गरे। डिफेन्समा कमजोर देखिएको बार्सिलोनाविरुद्ध ८५ औं मिनेटमा मुलरको पासमा गोल गरेका काउटिन्होले हर्नान्डेजको पासलाई सदुपयोग गर्दै ८९ औं मिनेटमा व्यक्तिगत दोस्रो गोल गरे ।

काउटिन्होको दोस्रो गोलसँगै बार्यनले ८–२ गोलको जित निकाल्न सफल बन्यो। जहाँ बार्सिलोनाका लुइस सुआरेजले खेलको ५२ औं मिनेटमा सान्त्वना गोल गरेका थिए ।

जितसँगै बायर्न उपाधिको नजिक पुगेको छ । अब उसले सेमीफाइनलमा म्यानचेस्टर सिटी र लियोनको विजेतासँग खेल्ने छ ।

यता, बायर्नका फरवार्ड लेवान्डोस्कीले जारी च्याम्पियन्स लिगमा १४ गोल पुर्याएका छन् । उनले गएरातिको खेलमा गोल गर्दै १४ गोल पुर्याएका हुन् ।